Í nóvember síðastliðnum gerðist sá stórmerkilegi atburður að vinur minn kynnti mig fyrir myspace netsamfélaginu. En þar eignast maður fullt af vinum, frá öllum heimsálfum. Maður býr til síðu sem fyrir vikið verður mjög persónuleg, síðan getur maður sent fólki sem er með síðu á myspace fyrirspurn um það hvort þeir vilji gerast vinir manns. Þá er hægt að skoða myndir, skilaboð og fleira sem viðkomandi hefur sett á síðuna sína.

Þetta samfélag þykir afar hentugt fyrir tónlistarfólk til að geta komið tónlist sinni á framfæri. Það er gert með því að yfirleitt eru þrjú lög frá viðkomandi listamanni sem hægt er að hlýða á. Í framhaldi af því er oftast hægt að niðurhala lögum eftir listamanninn. Þar koma einnig upplýsingar í ljós hvenar nýjasta platan kemur út og hvar næstu tónleikar verða haldnir. Það má því segja að þetta sé einskonar fréttabréf, þar sem að þú getur komið skilaboðum á framfæri. Ég sjálfur hef kynnst nokkrum lítt þekktum tónlistarmönnum eftir að þeir hafa skoðað síðuna mína og yfirleitt höfum við tengst í gegnum sameiginleg áhugamál, eins og tónlist.

Ég mæli með þessu samfélagi, það gengur vandræðalaust fyrir sig og hart er tekið á klámi og ofbeldi. Þannig að ef að ég ákveð að gefa út tónlist í framtíðinni er þetta fínn stökkpallur.

Hægt er að skoða mína síðu á myspace á slóðinni www.myspace.com/ragnarro

Við erum með tvær tölvur á heimilinu núna þ.e. borðtölvu og fartölvuna mína sem ég nota í skólanum. Erum með ADSL tengingu. Við notum tölvurnar aðallega til þess að fá fréttir og athuga með veðrið o.fl. og ég nota ferðatölvuna við nám mitt. Krakkarnir nota þær aðallega í leiki á netinu og PC tölvuleiki og eru líka nokkuð oft á MSN að rabba við aðra krakka.

Við höfum ekki notað netið mikið til þess að kaupa. Við erum í sambandi við ættingja í Bandaríkjunum þ.e. í E-mail sambandi. Það er enginn spurning að þessi samskiptaverkfæri auðvelda okkur að koma á framfæri upplýsingum til annara og flest allir eru "bein tengdir" með GSM síma.

Við foreldranir erum bæði með GSM síma ásamt því að vera með heimilissíma. Tvíburanir okkar, Unnar og Jenný 12 ára eru bæði með síma, en það er erfitt að fá þau til að vera með þá. Andri Þór 10 ára er ekki með síma. Hann fær lánaðan síma ef þörf krefur. Tanja Marín næstum 3ja er náttúrulega ekki heldur með alvöru síma..........en hefur í þess stað eftirlíkingar sem hún talar oft í og er mjög ánægð með að vera eins og við hin.

Erum ekki með Skype, þar sem að við erum ekki í það miklu símasambandi við vini, kunningja, ættingja erlendis.

Við hlöðum þó nokkuð að myndum í tölvurnar og látum það renna í "slide show".

Með kveðju, Bella  

Hér kemur svo þriðja bloggfærslan á einum degi frá mér :) 

Á mínu heimili búa tveir aðilar og er bara ein fartölva þar núna eftir að borðtölvan bilaði. Tölvan er mikið notuð á hverjum einasta degi og þá helst til að fara á internetið. Þar sem við notum netið svona mikið erum við með sítengingu hjá Símanum svo við erum í raun alltaf tengd við netið. Internetið notum við á margskonar hátt, t.d. í tengslum við skólann, msn, til að skoða fréttavefi, fara í leiki, senda tölvupóst, nota heimabankann, skoða bloggsíður hjá vinum og til að ná í bíómyndir, þætti og tónlist.Við erum ekki mikið að kaupa eitthvað á netinu annað en flugmiða.

Við erum bæði með gsm síma sem eru fastir við okkur alla daga nótt sem dag :) en notum þá mun minna núna en við gerðum fyrst þegar við fengum þá fyrir rúmum 7 árum. Þegar ég var í menntaskóla var ég í upplýsingatækni og þá sendi ég minn fyrsta tölvupóst, skráði mig á msn og setti upp fyrsta vef minn, en það eru líka um 7 ár síðan. Þannig í raun gerðist ég mjög tæknivædd fyrir 7 árum. En þá var ég löngu orðin tölvuvædd þar sem það var komin tölva á mitt heimili örugglega um 1984 og var ég þá bara 3 ára svo ég hef alist upp við tölvur. Ég eignaðist sjálf mína eigin tölvu árið 1994 að mig minnir, aðeins 13 ára gömul og á þeim tíma var sjaldgæft að heimili áttu tölvur.

Þar sem ég átti sjálf heima í útlöndum síðustu 2 ár þá notaði ég mikið tölvupóstasamskipti en þó notaði ég mun meira msn eða skype og enn í dag á ég vini í útlöndum sem ég hef samband við á sama hátt. Ég held að tölvupóstur, gsm og msn hafi breytt miklu um samskipti. Með gsm er hægt að ná í fólk hvar sem er hvenær sem er. Msn og skype er mjög þægilegt þar sem þú getur líka haft samband við fólk hvar sem er og þá án kostnaðar t.d. við vini í útlöndum. Með msn getur þú líka verið að gera eitthvað annað í leiðinni og þú talar við fólk, t.d. skoðað eitthvað á netinu og þá er oft sem maður er að benda hinum á að kíkja á eitthvað á netinu. Einnig nota ég mikið stafrænu myndavélina mína og set þá myndirnar sem ég tek inn á tölvuna og svo oft líka út á netið svo aðrir geti séð þær.

Læt fylgja eina mynd af gamla herberginu mínu og þá var borðtölvan enn á líf og var ég þá oft í báðum tölvunum í einu :) 

Ef þið viljið sjá myndina stærri þá klikka á:

Þar sem ég er í upplýsingatækni þá þarf ég víst að skrifa eins og eina eða tvær bloggfærslur. Þessi færsla fjallar um netsamfélag eins og ég þekki það. Til er alveg hellingur af netsíðum þar sem fólk er að segja hugsanir sínar, setja inn myndir, hafa samband við aðra, deila tónlistarsmekk o.s.frv. Núna þessa stundina er ég að eyða hellings tíma í að vafra um myspace.com þar sem fólk segir frá hugsunum sínum og þar kemur fram áhugamál þeirra og þá aðallega tónlistaráhugamál. það sem mér finnst skemmtilegast er að skoða hvaða tónlist fólk er að hlusta á og fara inn á síður hjá hljómsveitunum til að vita hvað er það nýjasta og fá að hlusta á lögin þeirra. Ég er nú sjálf með svona myspace síðu en nota hana ekki neitt ennþá nema bara til að geta skoðað hjá öðrum.

Jæja þá er kominn tími til að prófa að blogga. Ég er á fyrsta ári í KHÍ og er í C-bekk. Einnig er ég með heimasíðu http://nemendur.khi.is/gerdhard endilega kíkið á hana. Ég ætla ekki að hafa þetta lengra í þetta skipti en læt fylgja mynd af nokkrum skvísum úr bekknum mínum :)

 Ef þið viljið sjá myndina stærri þá klikka bara á:

Ég þekki netsamfélög eins og barnaland.is og  blog.central.is. Á barnalandi skoða ég heimasíður hjá ættingjum og vinum en ég hef ekki gert heimasíðu fyrir stelpurnar mínar. Mér finnst mjög gaman að skoða heimasíðurnar og einnig skoða ég stundum umræðurnar en ég hef aldrei tekið þátt í þeim og eru sumar ansi skondnar. Mér finnst líka mjög gott við barnaland að það er hægt að auglýsa allskonar til sölu og hef ég heyrt að ef maður er að leyta af eitthverju þá á maður að kíkja á barnaland, það sé svo margt til sölu þar.

blogcentral þekki ég ekki eins vel þrátt fyrir að ég er með 2 bloggsíður þar ásamt vinkonum mínum og bekknum mínu í skólanum. Ég hef ekki skrifað á hvoruga þessa síðu en ég hef samt kommentað ;);)  Ég bæti kannski úr því síðar og fer að skrifa nokkra pistla!!!!

Ég er ekki mjög tæknivædd manneskja. Ég fékk minn fyrsta síma þegar ég var tvítug og fékk ég hann í afmælisgjöf, það var nokia sími. Ég á núna ódýrasta nokia símann sem hægt er að fá og er bara ánægð með hann. Það er nóg fyrir mig að eiga síma sem að hægt er að hringja úr og í og senda sms ;);)

Ég og tölvur erum orðnar ágætis vinkonur en ég eignaðist mína fyrstu leikja tölvu þegar ég var 12-13 ára og var hún mikið notuð. En fyrsta talvan kom ekki inn á mitt heimili fyrr en ég var tvítug og var ég þá með ókeypis nettenginu frá bankanum mínum og komst maður bara inn stundum og stundum á netið. Ég man ekki alveg hvenær ég sendi minn fyrsta tölvupóst en ætli það hafi ekki verið þegar fyrsta talvan kom inn á mitt heimili. Áður en ég fékk tölvu heima þá notaði ég mikið tölvur í fjölbrautaskólanum mínum og heima hjá systur minni.  Ég fékk fartölvu í fyrra og var það þvílíkur munur að eiga svoleiðis og er ég með adsl tengingu. Þetta eina talvan sem er á heimilinu og er því oft rifist um hana. Ég nota tölvuna mjög mikið til að skoða blogg og að gera verkefni fyrir skólann og er stundum á msn en ég fékk mér svoleiðis fyrir nokrum vikum en er ekki mjög dugleg að nota það.

Ég er með blogg síðu með vinkonu mínum og líka með bekknum, en ég hef aldrei skrifað inn á hana en bara kommentað. Ég er að gera mína fyrstu heimasíðu í upplýsingatækni og gengur það ágætlega. 

jæja hér kemur prufa númer 2, þar sem að ég setti ekki inn neina mynd eða tengil við heimasíðu!!!!

 Ég fór í bíó í gær á mýrina og var hún geggjað góð, reyndar vissi ég eiginlega alltaf hvað var að gerast í myndinni, þar sem að ég var búin að lesa bókina. Ég læt fylgja með mynd af bókinni;);)

Jæja þá er það tæknisagan, mín saga er nú ekki mjög löng fékk mér fyrstu tölvuna mína fyrir um 4 árum og endurnýjaði svo í haust. Ég byrjaði þó ekki að nota tölvuna að neinu viti fyrr en um 2 1/2 ári síðan og hefur tölvunotkun mín aukist mikið síðan þá. Fyrir um 2 árum síðan fékk ég mér svo msn og nota það orðið nokkuð mikið í dag. Við erum með sitthvora fartölvuna og notum þær báðar mjög mikið vegna náms og vinnu og þar að leiðandi með þráðlaust net og adsl. Við höfum nú ekki verið að versla mikið á netinu þó að það hafi komið fyrir en það hafa þá aðalega verið flugmiðar og utnalandsferðir. Einnig notum við heimabankann mikið til að bæði millifæra, greiða reikninga og fylgjast með stöðu mála. Ég er að sjálfsögðu með gsm eins og allir aðrir og hef átt nokkra síma en fyrsta síman fékk ég mér fyrir um 8 árum síðan. Þó á kallinn minn flottasta símann en hann er með myndavél, tölvu,gprs,gps og ég veit ekki hverju og hverju. Ég hef nú ekki verið að tengja mikið tæki við tölvuna mína en þó að sjálfsögðu myndavél og prenntara. Í dag er ég farin að nota tölvupóstinn mun meira en ég gerði og nota hann orðið daglega, þó er ég ekki í neinum föstum samskiptum gegnum mail við vini eða ættingja þá er frekar notað msn. Já eins sés hér að ofan er maður farinn að nota tæknina nú nokkuð mikið og myndi ég segja að ég væri alveg í meðal lagi þegar kemur að því að nota tæknina. Get reddað mér í tölvunni og svona en ekkert mikið meira en það þó svo að maður sé nú alltaf að læra eitthvað nýtt og er það bara flott mál:)

Ég hef nú ekki verið mikið að taka þátt í þessum netsamfélögum þó að maður þekki nú nokkur. Þá eru það helst blogg síður og barnaland sem að maður skoðar daglega. Ég hef nú ekki verið sjálf með blogg síðu og er í fyrsta skipti að taka þátt í svoleiðis með bekknum mínum en slóðin er blog.central.is/leiknemar. Einnig hef ég nýlega opnað síðu á barnalandi fyrir dóttur mína. Ég hef nú rekist á nokkra spjall vefi eins og á barnalnd.is,femin.is og dýraland.is svo einhver séu nefnd en aldrei nennt neitt að taka þátt í einhverju spjalli. Mér finnst þessi samfélög þó stórsniðug og oft hefur maður séð áhugaverðar umræður myndast en einnig geta umræðurnar farið út í algjört skítkast og leiðindi. Einnig þekki ég líka hjón sem kynntust í gegnum netið svo bara snild;)